“Xocalı faciəsi – Azərbaycanın qanlı tarixi” mövzusunda inşa yazı müsabiqəsi keçirilib.
İsmayıllı Rayon İcra Hakimiyyəti başçısının sərəncamı ilə təsdiq edilmiş tədbirlər planına uyğun olaraq Xocalı soyqırımının 25-ci ildönümü ilə əlaqədar silsilə tədbirlərdən biri də şagirdlər arasında keçirilən inşa yazı müsabiqəsi olmuşdur. Müsabiqə Rayon Təhsil şöbəsi və Rayon Gənclər İdman idarəsinin birgə təşkilatçılığı ilə Heydər Əliyev Mərkəzində “Xocalı faciəsi – Azərbaycanın qanlı tarixi ” mövzusunda keçirilmişdir. Xocalı soyqırımında həlak olanların xatirəsi bir dəqiqəlik sükutla anılıb və soyqırımının səbəbkarları və nəticələri barədə Rayon İcra Hakimiyyətinin məsul işçisi Gülnarə Mirzəliyeva məlumat verib.
RTŞ-nin metodisti Nəriman Qəniyev və RGİİ-nin baş məsləhətçisi Şəhla Qafarova şagirdlərə uğurlar arzulayıb.
Şagirdlər inşa yazıları ilə bir daha göstərdilər ki, onlar Xocalı qətliamının ağırlığını, məhrumiyyətlərini düşüncələrində yaşada , onun ağrılarını dərk edə bilirlər.
.JPG)
